Skrappheimurinn

Fimmti í áskorun

2008-03-18T13:50:00.003Z

Á þessari síðu var að vera blúnda og tveir mismunandi borðar.

Eins varð að nota eittvað af þessu, kósur, splitti, tölur.

Það er blúnda þarna efst fyrir ofan "MEÐ" og út í enda hægra megin. Það er svartur borði bundin um myndina hægra megin og gylltur rikk rakk borði sem kemur undan stóra blóminu. Eitt stórt brads í stóra blóminu og 6 lítil í blúndunni.

Ég er ferlega skotin í þessari samsetningu og hugsa að ég eigi eftir að notast við hana í brúðaralbúminu okkar :D

xxx Sæunn

Fjórði í áskorun

2008-03-18T13:43:00.002Z

Á þessari síðu varð að vera handskrifað jurnal og það varð að vera saumað í hana.

Þetta er fyrsta síðan sem ég skrappa af manninum mínum þar sem hann er með ofnæmi fyrir mynavélum og því ekki til margar myndir af honum horfa í vélina.

Titillinn er Einkamál.is

og journalið segjir;

Eins og þú orðaðir það svo flott

"Ég pantaði hana á netinu!"

6.desember 2000 fórum við á

blint stefnumót og erum búin að

vera óaðskiljanleg síðan. Í dag

erum við gift og eigum

tvo yndislega

syni.

xxx Sæunn

Þriðji í áskorun

2008-03-16T01:52:00.005Z

-

Jæja þá er það dagur þrjú í
"Ertu öflugur skrappari?"
áskoruninni.

Verkefni dagsins var að skrapplifta þessari síðu.

Þetta er svo mitt framlag.

xxx Sæunn

Tvær GULAR :)

2008-03-16T01:48:00.002Z

Ég skrappaði tvær vel skrautlegar síður í gærkvöldi en þær skönnuðust e-ð brenglað inn og ég búin að ganga frá skannanum og síðunum svo ég ætla að setja þær inn á morgun eftir vinnu.
Er bara búin að gera aðra síðu og allt verður að vera í réttri röð hehe.

xxx Sæunn

Annar í áksorun.

2008-03-14T16:34:00.003Z

Varðandi áskorunina sem ég nefndi í póstinum áðan þá er skilafrestur til klukkan 13.00 daginn eftir. Ég semsagt kláraði og skilaði síðu gærdagsins í hádeginu og klukkan 1 kom nýtt verkefni svo ég var að dunda mér við það áðan.

Skilirðin voru 2 myndir og og svo varð síðan að innihalda, rubon, stimpil og/eða glæru.

Ég gerði 8x8 síðu af frænku minni, Telmu Lind sem er að fara að fermast í næsta mánuði.

Ég gerði líka boðskortin fyrir hana og þar eru þessar tvær myndir og þemað er fjólublátt og lime.

Ég ákvað að gera svona síðu og láta hana með í pakkan, eða setja hana í ramma svo hún geti haft hana á fermingarborðinu.

Það eru 2 myndir og stafirnir sem og saumarnir neðst á síðunni er rubon.

xxx Sæunn

Áskorun, áskorun.

2008-03-14T13:27:00.003Z

Já nú eru það bara áskoranir ofan á áskoranir :D
Barbara skoraði á mig ásamt 9 öðrum frábærum skröppurum að skrappa eftir skissu sem hún myndi velja. Auðvitað tók ég þátt og gerði þá síðu 11.mars en ég get ekki sýnt hana hér fyrr en á mánudag þegar Barbara opinberar meistaraverkin :D :D Hahaha

Nú svo skoraði Begga á okkur í gær "Ertu öflugur skrappari?" og eigum við að skrappa 7 síður á 7 dögum. Hún kemur svo með einhver atriði sem við verðum að uppfylla. Ef maður nær svo ekki að skila inn síðu dagsins þá dettur maður út.
Við vorum 23 sem skiluðum inn síðu gærdagsins, hver önnur flottari, og á henni varð að vera mynd, chipboard og meira en 10 blóm.

Mín síða er voða plain en hún er samt svo sæt finnst mér þar sem myndin er svo sæt af okkur sonum mínum :)
Það er á henni mynd, 12 blóm og heimagert chipboard þar sem ég fann ekki chippin mín, en það er inkað og embossað og það er mikið flottar live, skilaði sér ekki alveg svona skannað.

Ég sé samt svona eftir á að titillinn hefði mikið frekar átt að vera Sííííís , en ég kanski bæta bara við big þarna fyrir ofan svo það standi big Smile :)

xxx Sæunn

Enginn titill

2008-03-08T22:54:00.003Z

-
Ég er enn í einhverjum vandræðum með að seta inn síðurnar frá póstinum síðan í gær svo ég verð að láta linkana duga. Samt get ég sett inn þessa mynd sem er eiginlega pínu furðulegt!
Anyhow....
Þetta er mynd af Viktori Una með plásturinn :D
Áframhald af gleraugna og plástrameðferðinni.
Textinn segir;
Elsku ástin mín.
Mamma er svo stolt af þér, hvað þú ert duglegur að nota plásturinn.
Þú hefur lítið sem ekkert kvartað. Í alla þessa 6 mánuði þá hefur ekki verið neitt mál að setja plásturinn á morgnana.
Þú tekur hann að vísu stundum af þér á leikskólanum en þær eru með aukaplástra þar og redda því. Þú tekur hann þá aðalega af þér ef þú ferð að gráta því þá verður þetta jú allt fullt af vatni.
Þú ert yndislegur Viktor minn
Ég elska þig
Þín bestasta mamma í geimi :D

(Pappírinn er BG)

xxx Sæunn

Tvær síður :D

2008-03-07T14:39:00.004Z

-
Ég er einhvernvegin föst í þessum einfalda, ekki of mikið skraut stílnum þessa dagana.
Ég gerði tvær síður í gærkvöldi um þegar Viktor var að fá gleraugun sín.
Á fyrri síðunni stendur:
Þegar þú varst 3ja og hálfs árs fórstu í almenna barnaskoðun. Eftir tíman var konan sm skiðaði þig mjög ánægð meðallt nema sjónina. Hún sagði að þú sæir vel með hægra auganu en ekki nógu vel með því vinsta. Þú gætir ekki greint þrívíddarmyndir og að þú værir jafnvel með letiauga. Þú þyrftir nú sennilega ekki gleraugu en mjög sennilega hjálp við að örva það lata.
Þú fékkst tíma hjá Brynhildi augnlækni 23.mai og ég fór með þig þangað. Ég verð nú að viðurkenna það ástin mín eð ég var alvegí rusli þegar hún sagði okkur niðurstöðurnar.
Þú ert mjög fjarsýnn á báðum augum. +6 á hægra auganu og +8 á því vinstra. Þú ert með 0.50% sjónskekkju á hægra auganu og 0.75% á því vinstra. Síðan er vinstra augað þitt einnig latt!
Hjartað í mömmu hætti að slá augnablik.
Bæði mér og pabba þínum fannst við hafa brugðist þér og okkur leið illa yfir því að hafa ekki tekið eftir neinu og þú nær sjónlaus. Þetta kom samt öllum jafnmikið á óvart, okkur, ættingjum þínum og þeim á leikskólanum. Við fórum svo að máta og panta gleraugu e þar sem þetta eru svo sterk gler þá þurfti að sérpanta þau og pússa niður og þú að bíða í 2 vikur eftir þeim.
-
Á seinni síðunni er ég bara að taka fram hvernig hver skoðun hefur gengið fyrir sig.
Í stórum dráttum þá eftir næstu skoðun var ákveðið að hefja plástrameðferð þar sem engin framför voru á lata auganu. Sá bara efstu tvær línurnar eins og áður.
Næstu skoðun sá hann línu 3,4 og 5 :D svo meðferðin er að hafa góð áhrif.
Síðast sá hann svo 6. línu líka og svo á hann tíma aftur í mai.

Pappír er frá Bazzill og SU og Rubon frá BG

xxx Sæunn

Áhrifavaldar í lífi mínu.

2008-03-02T23:03:00.006Z

_
Ég ætlaði svoleiðis að skrappa um helgina en gerði ekki mikið meira en ein 8x8 opnu! Ég lagaði reyndar og bætti nokkrar aðrar síður sem mér fannst tómlegar en kom mér einhvernvegin ekki í meira.

Þessi opna sem ég skrappaði núna er febrúarverkefni BUM (Bók Um Mig) hópsins sem ég er í. Hún átti semsagt að vera um áhrifavalda í mínu lífi og það áttu að vera myndir með. Mér fannst þetta alveg óskaplega erfitt verkefni og átti erfitt að með að velja úr en þetta er útkoman.

Á myndunum eru:
Pabbi, Mamma, Þórlindur, Hilmar, Karen og Kamilla systkini mín. Svava og Maiken bestu vinkonur mínar og svo fjölskyldumynd af mér og mínum.

Textinn segir:
Ég vil meina það að hver einasta manneskja sem komið hefur lífi mínu við, hafi haft árif á líf mitt og sé því áhrifavaldur í lífi mínu! Það er ósköp erfitt að velja úr og nefna nöfn en auðvitað hefur fjölskyldan, vinir mínir og kærastar frá því ég var í 3.bekk haft mestu áhrifin :þ
Svo ég nefni nokkra gamla kærasta (frá 8-17 ára) þá eru það Halli, Maggi, Þorvaldur, Hallur, Bjarki og Gunni.
Vinir og vinkonur í gegnum tíðina: Þóra Jóns, Kolla, Andri, Ragnar og Davíð, Gunni og Benni, Brandur, Jói, Árni og Vignir, Sveinlaug, Anna Dóra, Jonni, Balli, Arna, Thelma Hrund, Hulda, Bryndís, Magga, Brynja, Rakel og Svanhildur, Solla og ég verð að nefna skrappgrúppuna í allri sinni heild.
_ Síðast en ekki síst eru það bestu og elstu vinkonurnar
Maiken. Hún er elsta vinkona mín en við erum búnar að vera vinkonur síðan við vorum 3ja og 5 ára. Við vorum bestu vinkonur og nágrannar í Noregi í 2 ár eða þar til við fluttum heim á frón en ég hef verið rosalega dugleg að halda sambandi við hana og fjölsk síðast þegar þau komu í brúðkaupið okkar Gappa 2006. Alltaf þegar við heyrumst og hittumst er eins og við höfum alltaf verið saman. Hún er bestust og ég elska hana :D
Svava. Where to begin? ;) Við vissum af hvor annarri og vorum saman í bekk frá 8 ára en urðum algjörar samlokur í 7.bekk og vorum alltaf saman og brölluðum mikið skemmtilegt :) Ég á bara góðar, skemmtilegar og fyndnar minningar af henni Svövu minni. Það er nú bara efni í aðra síðu sko :) Ég flutti til Reykjavíkur 2 árum seinna og minnkaði aðeins sambandið þá en við áttum okkar góðu stundir. Svo flutti hún til útlandis fyrir hva....5-6 árum og við hittumst allt of sjaldan en alltaf samt þegar hún kemur heim og ég fór út til hennar í fyrra á Take That tónleika sem hún bauð mér á og meeeeeen hvað það var mikið stuuuð :) Love ya Svava, þú ert æðis.
_ Afar, ömmur, frænkur og frændur eru öll miklir áhrifavaldar.
Systkini mín, Hilmar, Kamilla, Karen og Þórlindur hafa átt mikinn þátt í því að móta mig eins og ég er í dag sem og elsku mamman mín og pabbi, ef ekki örlítið meira :þ
_ En mestu áhrifavaldar lífs míns eru á efa maðurinn minn og synir.
Skarphéðinn, Viktor Uni og Guðjón Valur. Þið hafið kennt mér svo ótrúlega margt og ég er ekki eins hrædd við að takast á við lífið og að mistakast eftir að ég kynntist ykkur. Þið eruð mér allt. Elska ykkur mestast.

Sæunn (eiginkona, móðir, dóttir, systir, barnabarn, frænka og síðast en ekki síst vinur!)

xxx Sæunn

4 síður gerðar á Laugard

2008-02-17T23:29:00.006Z

Vikan
Í vikunni er ég búin að vera að vinna við að gera boðskort í brúðkaup fyrir eina sem rakst á þetta blogg hjá mér. Seinna kom í ljós að hún er í skólanum með mömmu ;) lítill heimur :D
Ég kláraði þetta svo á föstudaginn, var þá meira segja búin að gera meira en ég ætlaði mér. Ég setti öll kortin 70 í umslögin og ég límdi einn blingstein í neðra, hægra hornið á hvert umslag. Svo var ég bara búin og fannst það eiginlega bara leiðinlegt :D Hahahah
Vildi bara helst byrja strax á fermingarboðskortinu hennar Telmu Lindar frænku en mig vantar ennþá myndir af henni til að setja í kortið.

Laugardagurinn
Já ég hafði loksins tíma til að bjóða svilkonum mínum, þeim Berglindi og Guðnýju til mín í scrapp.
Magga mín mjúka og ég gáfum Beggu minni alveg slatta af srappi þar sem hún hefur verið að slefa yfir mínu dóti lengi og mig vantaði líka svo skrappfélaga hérna á suðurnesjum.
Begga varð auðvitað súperánægð með góssið og er búin að strjúka því mikið síðan en ekki lagt í að prufa þetta fyrr en ég myndi bjóða henni til mín og leiðbeina henni svona fyrst um sinn.
Áhuginn kviknaði svo hjá henni Guðnýju fyrir stuttu og hún stakk sér beint í djúpu laugina. Pantaði af netinu og skellti í síður.

Begga kom svo til mín í gær og gerði sína fyrstu síðu, hún var bara ofboðslega sæt hjá henni og enginn svona byrjendabragur að sjá á síðunni. Ég var allavega mjög stolt af henni :D
Svo þegar þú kemur næst Begga þá stopparu lengur er það ekki? :D
Rétt áður en hún fór heim þá kom Guðný en hún skrappaði ekki í þetta skiptið.
Heldur kom hún með albúmið sitt og sýndi mér síðurnar hennar 4 sem hún var búin að gera og skoðaði mitt dót og svona. Spjölluðum helling og hún eldaði alveg geggjað góða pizzu handa okkur liðinu :D *Takk fyrir mig sæta*
Síðurnar hennar voru líka mjög fínar og ég viðurkenni það sko aveg að þær báðar gerðu flottari síður en margar sem ég hef séð.
Fyrstu síðurnar mínar voru sko bara prump miða við þeirra :D haha

En ég sjálf afrekaði að gera 4 síður þrátt fyrir mikið spjall :D
Þær eru að vísu allar mjög auðveldar og Gappa fannst vanta e-ð á þær allar en mér finnst bara fínt að hafa svona einfaldar síður inn á milli.
Þegar þú ert með fullt albúm af síðum þá finnst mér ekki nauðsinlegt að þær séu allar drekkhlaðanr af aukahlutum.
Svo er ég að reyna að klára pappírinn minn áður en ég kaupi mér meira og þetta er alveg hellings áskorun á mig þar sem mér finnst alveg hellings af honum bara alls ekki ég. Margt sem ég fékk þegar ég var áskrifandi hjá Scrapgoods (fékk þá alltaf pakka í hverjum mánuði).

Halló!
Ef Guðjón komst í síma þegar hann var yngri þá var alltaf sama rullan sem maður heyrði.
Halló! Minna? ok! BaBæ! *minna as in vinna*

Enginn titill.
Þetta er mynd af honum Viktor mínum með sokkabuxur á höfðinu, finnst hún svo skemmtileg og er búin að ætla að skrappa hana í fleirri mánuði.

Enginn titill.
Hérna er svo Guðjón Valur með sömu sokkabuxurnar á höfðinu um 2mur árum seinna ;D
Gerði síðurnar viljandi mjög svipaðar enda eru myndirnar svo svipaðar og þetta fer í sitthvort albúmið :)

Viktor Ljósmyndari
Þessar myndir tók Viktor Uni af mér einhvertíma í fyrra :D
Ekki þær bestu í heimi en mér fannst þær svo skemmtilegar að ég ákvað að skrappa þær þá.... þær hafa svo beiði í "Í vinnslu" boxinu mínu síðan þá.
En hérna er síðan loksins komin

Tek það fram að allar þessar síður voru í "Í vinnslu" boxinu mínu og búnar að vera þar leeeeengi.
xxx Sæunn

Allt að gerast

2008-02-17T23:19:00.002Z

Allt að gerast.
Þessi síða er scrappliftuð (uppröðunin stolin) af Lindu sem er í skrappspjallinu sem ég er í.
Ég er þarna ólétt af Guðjóni Val, komin á mæðradeild Landspítalans um 2 tímum eftir fyrsta verk og átti hann 1 klukkutíma síðar :)
Já ekki voru þessar fæðingar hjá mér erfiðar.

Ég notaði pappír frá Bazzill og SU, tvennskonar borða, rubon frá BG og Making memmories, chipboard stafi frá Provo Craft og Pressed Petals, blóm og tölur e-ð í bland og svo raðaði ég grænu blingi neðst á eitt rubonið

xxx Sæunn

Velkominn í heiminn litla líf

2008-02-17T23:11:00.003Z

Þessi síða heitir Velkominn í heiminn litla líf.

Þetta er þegar Guðjón Valur fæddist, 25.mars 2005

Ég gerði seinni síðuna fyrst og var/er alveg súper ánægð með hana, finnst hún svo innileg og falleg (hægt að sjá myndina stærri með því að klikka á hana).

Svo var ég að vesenast með fyrri síðuna fleirri klukkutíma. Hún varð auðvitað að t´na við en ég var búin með blessaðann pappírinn og var bara í vandræðum.

Náði samt að koma þessu á hana og læta hana bíða svona allavega í einhvern tíma en er því miður ekki sátt við hana.

Á henni stendur:

"Velkominn í heiminn litla líf, sonur okkar og litli bróðir.

Lagið Líf, sungið af Hildi Völu var spilað í útvarpinu þegar þú fæddist."

Svo á seinni síðunni er textinn við lagið Líf (eftir Stefán Hilmarsson)

xxx Sæunn

Bumbi litli

2008-02-17T23:04:00.003Z

Þá er það Bumbi litli.

Hérna er ég ólétt af honum Viktori Una, árið 2003

Ég var rosalega dugleg að taka bumbumyndir og bara gaman að eiga þær :D Ég gekk samt fulla meðgöngu en tók enga mynd eftir 37 vikurnar :(

xxx Sæunn

hUH!

2008-02-10T03:31:00.000Z

Ég tók þátt í áskorun í skrapklúbbnum sem snérist út á það að nota e-ð sem er ekki selt sem skrappdót.

Ég skrappaði því þessa skemmtilegu mynd af Viktori Una og karlinn er klipptur af skemmdri peysu frá honum :D

Finnst síðan ekkert smá skemmtileg þó hún sé ofur einföld :D

Ég prufaði líka að embossa í fyrsta skipti en þar sem þetta er glært emboss þá sést það ekki nema live.

En allur auka pappír (ekki bagrunnspappírinn) eru með glæru embossi á sem og h-ið.

Svo notaðist ég bara við ristavélina til að bræða embossið þar sem engin er hitabyssan hér á þessum bæ.

Þá er það árið 2008

2008-02-10T03:18:00.000Z

Ég skráði mig í nýjan BUM (Bók Um Mig) hóp þar sem ég var í þessari þvílíku lægð í fyrra sem og ég strengdi áramótaheit um að vera duglegri í ár en ég var í fyrra :d

Ég var búin að gera forsíðu BUM í fyrra en þetta er hún:

Ég gerði svo opnu með frekari upplýsingum og hver þessi ég sé eiginlega.
Litirnir skönnuðust e-ð brenglað inn en það eru sömu litir á myndunum og eru á forsíðunni.

Hægt er að ýta á myndina til að stækka hana

xxx Sæunn

Dagatal úr eldspítustokkum

2008-02-10T03:12:00.000Z

Það var ein sem sýndi okkur alveg brilliant flott dagatal í desember.

Dagatalði var gert út 24 aldspítustokkum og mér fannst þetta bara svo flott að ég bjó mér til eitt slíkt. Ég tók reyndar ekki mynd af því og augljóslega er ég búin að pakka því niður þar sem febrúar er að verða hálfnaður... eeen

Ég gerði eitt fyrir tengdó sem varð alveg sjúk þegar hún sá mitt og þetta eru myndir af því :D

xxx Sæunn

Jólakort 2008

2008-02-10T03:09:00.000Z

Jólakortin í ár voru einnig digital og svo prentuð á mattan ljósmyndapappír.

xxx Sæunn

Digital-afmælis-dagatalið

2008-02-10T02:55:00.001Z

xxx Sæunn

Jæja....

2008-02-09T04:56:00.001Z

Kannski tími til að blogga :D

Ég gerði nú ekki mikið meir á síðasta ári en það sem ég var búin

að sýna en mér tókst nú samt að klára dagatalið :D

Set inn myndir af því hérna við fyrstatækifæri

Photoshoppið að deyja.....

2007-09-23T20:30:00.000Z

Þá er ég búin með mars síðuna.

Það tók nú sinn tíma þar sem tölvan mín er ekki að höndla photoshoppið.

Ég hélt fyrst að tölvan væri bara svona stútfull af drasli (sem hún var sko) svo Gappi keypti sér nýja tölvu svo ég gæti bara notað þessa undir skrappið.

Hann er búinn að taka allt sitt bíladót út og ég er ekki einu sinni að nota helminginn af harða disknum en samt fæ ég alltaf að virtual memmory sé to low og hún er bara alveg ógeðslega lengi að vinna og ég er að verða geðveik á því :/

Ég var búin með mars síðuna og var að vista hana í ps formi fyrr í dag og hún náttúrulega tók sinn tíma í það en svo bara drap hún á sér og síðan datt því auðvitað út :( puhuhu

Þurfti að vinna hana alla upp á nýtt og ég þorði ekki öðru en að fletja (flatten image) á 2 mín fresti og save-a þannig að hún verður bara að vera svona... á hana ekki vistaða í ps formi.

Titillinn, Mars er Kraft Chipboard búin til af Hönnukj, alveg ótrúlega flott hjá henni skvísunni :)

og takk fyrir mig :)

xxx Sæunn

Er að komast í gírinn aftur

2007-09-22T20:19:00.001Z

Já ég er búin að vera í þessari líka góðu lægð í sumar og er svona að sparka í rassinn á mér að byrja að skrappa aftur.

Ég er að vinna í dagatali sem ég ætla að gefa ömmum og öfum í jólagjöf og þar sem ég stórefa það að þau kíki hingað inn þá ætla ég bara að pósta þvi hingað og sýna ykkur skvísunum það :)

Ef svo ólíklega vill til að þú sjáir þetta mamma þá verður bara að hafa það ;)
En hérna er afrakstur forsíðunnar og janúarsmánuðs.

Það gékk ágætlega á Sandgerðisdögum.

Ég seldi nú ekkert mikið en fólk var mjög mikið að skoða og fá upplýsingar um verð og hvar ég væri að selja þetta. Spurðu sumir hvort ég gerði gestabækur eftir pöntunum svo ég tel þetta hafa verið mjög góða auglýsingu :D

xxx Sæunn

Skrapp, Sandgerðisdagar og Klassart

2007-08-06T15:26:00.000Z

Úff.... það sem ég hef lítið getað skrappað upp á síðkastið, það er ekki venjulegt.
Jú ég er að vísu búin að skrappa slatta af töskukortum þar sem þau rjúka svoleiðis út í Gróðrastöðinni hjá mömmu :D http://www.glitbra.is/

Já ég get nú ekki annað sagt en að ég sé upp með mér eftir að hafa lesið síðasta komment.
Einhver hefur rekist á þessa heimasíðu og póstað henni inn á http://www.245.is/ sem er frábær heimasíða fyrir okkur Sandgerðingana.
Og nú var veriða ð bjóða mér að vera með sölusýningu á Sandgerðisdögum sem verða haldnir núna í lok ágúst.
Ég á ekkert mikið af kortum eftir og er að vinna eins og brjálaðingur en þetta er svo frábært tækifæri að ég vil síður missa af þessu.

Ég bjó til litlar gestabækur fyrir ferminguna hjá Karen systur og brúðkaupið hjá mömmu og Geir, þessar gestabækur eru búnar að slá þvílíkt í gegn þannig að ég er búin að vera að dunda mér við að gera forsíður á tækifærisgestabækur..... kannski ég geti gert nokkrar slíkar og haft með á sölusýninguna ef ég fer??

Yfir í allt annað......

Ef þið eruð í stuði fyrir góða blús tónlist þá mæli ég með hljómsveitinn Klassart.
http://www.myspace.com/fridaklassart
Ég er búin að hlusta á þessi 4 lög sem eru á heimasíðunni þeirra og mér finst þau öll alveg æðisleg, ætla pottþétt að kaupa mér diskinn þeirra.
Ég er nú bara dolfallin hérna, Fríða er bara með æðislega rödd!

2007-06-12T10:53:00.000Z

Það mætti halda að ég væri bara hætt í skrappinu....

En svo er nú aldeilis ekki, aftur á móti er ég bara föst í þessu sama... er búin að vera að skrappa fleiri tösku og herrakort og svo digisíður úr sumóferðinni okkar.

Eins mikið og ég vildi monta mig hérna yfir þeim síðum þá get ég það því miður ekki það sem það eru "misgrófar" myndirnar af okkur vinkonunum mínum singjandi, dansandi og tjúttadi :D haha

Svo er ekkert gaman að þreyta ykkur á somu kortunum aftur og aftur.

Ég var hinsvegar ekki búin að sýna ykkur Herrakortin þannig að ég læt mynd af því fylgja þessari færslu.

Ég fór í bæinn í síðustu viku, náði í primablóm til Gógóar og kom við í scrap í fjarðarkaupum hjá Ingibjörgu og keypti hvítan dútl penna sem og lím þannig að ég ætla að fara að skella í alvöru síður á næstunni :)

Enn í digiskrappinu

2007-05-29T10:51:00.000Z

Já ef maður fer í e-ð nýtt þá festist maður í því í nokkra daga :D

Er búin að gera 3 digisíður til viðbótar, þetta er svo fljótlegt maður ;) híhí

Ég ákvað að digiskrappa sumarbústaðaferð sem við vinkonurnar fórum í síðastliðið sumar.

Ég mun nú ekki sýna þær allar, sumar eru bara of persónulegar eins og ein af þessum þrem til dæmis :) haha

En hérna eru þessar tvær.

xxx Sæunn

Tölvuskrapp

2007-05-26T02:23:00.000Z

Ég skil ekki þetta með vinnunna, get ekki opnað þetta new post dæmi nema á html formi sem þýðir að ég kann ekki að setja inn myndir, breyta, stækka letrið og allar þessar breytingar sem er annars hægt að velja um.

En ég fór einhverntíma fyrir löngu að fikta í digital scrappinu... gerði einhverja eina tilbúna síðu, þurfti bara að bæta inn myndunum og titli/texta.
Fannst þetta voða sniðugt og fór að sanka að mér allskonar fríu digi dóti sem ég fann á netinu hér og þar.
Gerði boðskort í ferminguna hennar Karenar systur og Júlíu vinkonu hennar en hef ekki þorað að byrja á því að gera síðu sjálf frá grunni.
Kannski vegna þess að maður þarf að vinna með þetta í photoshop og ég er ekki sú klárasta þar... þarf að klóra mig áfram.
En ég dl helling af fríum template-um og eftir að hún Gilla digiskrappari kenndi mér að nota það þá á ég sko eftir að gera helling af þessum digisíðum einnig.
Ég gerði eina auðvelda í gær og fannst þetta skemmtilegt, auðvelt og fljótlegt... tala ekki um hvað þetta tekur lítið pláss :D

Þegar ég kemst í tölvuna heima þá skal ég sýna ykkur síðuna sem ég gerði í gær :)
Love it og takk æðislega Gilla fyrir hjálpina :)

Fleiri töskukort

2007-05-17T20:00:00.000Z

Verslunin Kator í Reykjanesbæ (http://www.kator.is/) var með sýningarsölu á laugardaginn var og mamma var fengin á staðinn með sumarblóm til að selja..... Mamma nefndi það að hún vildi endilega taka töskukortin með sér og sýna þau þar og selja þannig að ég spíttaði í lófana og gerði 7 kort til viðbótar.
Veðrið var svo bara ekkert gott og hún með sína aðstöðu úti þannig að hún tók ekki kortin upp... fór bara með þau aftur niður í gróðurstöð til að selja þar :)

Ætla að vista þetta snoggvast... kemur svo oft error þegar ég er bæði búin að skrifa og setja inn myndir..... myndirnar koma því eftir smá :)

Töskukort

2007-05-15T08:59:00.000Z

Ég gerði líka töskukort og það eru allir svo hrifnir af þeim

þannig að ég hef bara verið að gera þannig síðustu daga.

Mamma pantaði slatta til að selja í Gróðurstöðinni og svo er ég að gera líka fyrir tengdó til að selja í Galleríinu.

Kortagerð

2007-05-05T13:53:00.000Z

Fyrir þá sem ekki vita er ég farin að vinna í farangursþjónustunni í Flugstöð Leifs Eiríkssonar (Sandgerðisvelli.... Sandgerði á þessa lóð sem flugvöllurinn á og þar sem ég er Sandgerðingur þá dettur mér ekki til hugar að segja Keflarvíkurvelli!!

Ég er að vinna þarna 2-2-3 og er frá kl 14.00 til 02.00 og finnst þetta alveg frábært.
Yfirleitt eru dauðir tímar á milli 18:30 - 21:00 og ég fór alltaf heim til að borða með familýjunni fyrst... en svo uppgötvaði mín að taka bara nesti og föndurdótið með sér og nýta frekar dauða tíman í það

Ég hef bara verið í kortagerðinni núna þar sem mér hafa verið boðnir tveir staðir til að selja kortin mín og ég ætla að vinna aðeins í því núna og byrgja mig aðeins upp.

FÁB og rýmingarútsala í Rúmfó

2007-05-04T15:37:00.000Z

Eftir að Anna Dögg startaði BUM dæminu, kom Begga með FÁB í kjölfarið.
FÁB stendur fyrir Fyrsta Ár Barnsins.
Ég skráði mig áðvitað með í þessu en ég er samt að notast við fyrstU árin en ekki bara fyrtstA árið :)

Ég gerði svo forsíðurar í albúmin þeirra um daginn. Var að mála og stensla í fyrsta skipti á síðurnar mínar og var bara mjög sátt við árangurinn ;)
Nokkrum dögum seinna datt ég inn í rýmingarsölu Rúmfatalagersins í Holtagörðum og sá þar sessa líka fínu og hræódýru ramma.

Þeir eru í sömu stærð og síðurnar sem ég er að gera... eða nei ég held að þeir hafið verið hálfum cm minni... svo eru þeir svona djúpir eins og skrapprammarnir eru.
Nema hvað að þessir eru með einhverjum ljósmyndum inní og ekki gerðir þannig að maður eigi að skipta um mynd.

Ég þorði því ekki að kaupa mikið af þessu þar sem ég vissi ekki hvort ég gæti notað þá.
Þetta var smá vinna en tókst, enda er ég ekki kölluð föndrari fyrir ekki neitt ;)
Núna dauðsé ég auðvitað eftir því að hafa ekki kept mér fleiri ramma þar sem ég keypti tvo fyrir undir 1000 kallinum á meðan stk af skrappramma er á um 2000 kéll.

En ég skellti forsíðusíðunum inn í rammana og nú prýða þeir stofuvegginn minn og ég er bara mjög sátt.
Þarf bara að skella í nýjar,öðruvísi forsíður til að setja í albúm strákana.

BUM - Forsíða og Uppáhalds litur

2007-05-04T15:01:00.000Z

Anna Dögg skrappdís stofnaði litla grúppu og erum við þar
að gera BUM (Bók Um Mig) síður.

Hún kemur með hvernig síður við eigum að gera í hverjum mánuði 2-4 síður.

Mér fannst þetta svo sniðugt þar sem ég var hvort eð er býrjuð að gera síður um sjálfa mig. Ég hafði reyndar hugsað að gera bara frá því að ég var lítil en Anna Dögg hugsar fyrir öllum aldri sem er bara gaman líka :)

Ég hef þó bara gert tvær síður en fylgist með öllum verkefnunum og er búin að punkta niður hvað ég ætla að gera fyrir hvert verkefni. Hef bara ekki komist í meira en þessar tvær eins og er.

Þetta er semsagt forsíðan, mynd tekin af mér þegar ég var 16 ára í einhverju módelnámskeiði :D haha

og Uppáhalds liturinn minn.... mynd tekin fyrir ca. einu og hálfu ári síðan.

19 mánaða - Orðin mín

2007-05-04T14:37:00.000Z

Þegar Guðjón Valur var 19 mánaða skrifaði ég niður öll orðin se hann kunni, hvernig hann sagði þau og þau áttu að þýða.

Þessi síða á án efa eftir að verða vinsæl þegar hann verður eldri :)

Ég á líka svona orðabík frá Viktori, á bara eftir að skrappa það.

Smá öðruvísi föndur

2007-04-29T20:36:00.000Z

Ég málaði á striga og límdi myndir á hann, málaðio svo aðeins endana á myndunum :)

Pokaalbúm - Karen Eir

2007-04-29T20:18:00.000Z

Og þá er það pokaalbúmið sem ég gerði og af henni á fermingardaginn :)

Gestabók

2007-04-29T20:09:00.000Z

Ég gerði gestabókina fyrir ferminguna einnig. Gerði hana úr pappírspokunum frægu ;)

Ég á bara þessa mynd af henni en textinn úr boðskortinu stendur i bleika kassanum.

Fermingar boðskort

2007-04-29T20:01:00.000Z

Karen systir að fermast og ég gerði boðsortin fyrir hana í tölvunni.

Vinkona hennar kom svo til mín og bað mig um að gera fyrir sig líka :)

Fermingar kassi

2007-04-29T19:57:00.000Z

Ég gerði þennan kassa fyrir Blóaval í Keflavík

Það var happdrætti hjá þeim í kringum fermingarnar....

Fermingarbörnin gátu fyllt út miða sem þau fengu hjá Blómaval þegar þau versluðu þar og sett í þennan kassa... svo verður/var dregin út fartölva fyrir eitt heppið fermingarbarn.

Snjór

2007-04-29T19:53:00.000Z

Ég var með í svona hermikráku leik.

Virkar svona eins og hvísluleikurinn... ein fær síðu senda og hún á að herma eftir henni og senda svo sína síðu áfram á þá næstu og hún hermir eftir þeirri síðu og koll af kolli.

Þegar allir eru búnir þá eru allar síðurnar sýndar og ekkert smá gaman að sjá hvað fyrsta síðan er frábrugðin þeirri síðustu :)

Þetta var mín hermikrákusíða, ég og Hilmar að leika okkur í snjónum í Noregi.

Fleiri síður um mig

2007-04-29T19:38:00.000Z

Ég hitti skrappvinkonurnar í Kefló og skrappaði með þeim þessar síður.

.

.

.

.

.

19 mánaða

2007-04-27T19:24:00.000Z

Þessi er í pínu uppáhaldi hjá mér og ég veit að Guðjón mun elska þessa síðu einhverntíma þegar hann verður eldri.

Þarnar eru öll orðin sem hann kunni þegar hann var 19´mánaða saman komin niður á blað.

Hvernig hann sagði þau og hvað þau áttu að þýða :)

HM Hjónin

2007-04-23T20:58:00.000Z

Ég gerði tvær 8x8 síður um Huldu og Stebba og þeirra 15 mínútna frægð...

Ég á samt ennþá eftir að koma síðunni til þeirra :/

Sólskinsbarn

2007-04-23T20:55:00.000Z

Ég keypti mér 8x8 albúm í bandaríkjunum og ákvað að skrappa í það myndir af mér.

Í leikskóla er gaman

2007-04-23T20:54:00.001Z

Myndir af Guðjóni Val sem ég náði í af vef leikskólans

Í leikskóla er gaman

2007-04-23T20:52:00.000Z

Myndir af Viktori Una sem ég náði í af vef leikskólans

JólaKorta Mynd 2003

2007-04-23T20:51:00.000Z

Myndin af Viktori Una sem við sendum með Jólakortunum 2003

Fleiri kort

2007-04-18T23:12:00.000Z

Fleiri kort sem ég hef gert... hef því miður ekki alltaf tekið myndir en hérna er e-ð af þeim.

Bréfpoka albúm

2007-04-18T20:31:00.000Z

Ég gerði lítið albúm úr brúnum bréfpokum og gaf tengdó í jólagjöf.

Ég gleymdi að taka myndir af því þegar ég var búin með það en ég tók myndir af því þegar ég var búin að hnýta það saman og gera 3 opnur.

Joy & Fun

2007-04-18T20:30:00.000Z

Gerði þessa í áskorun... nota fjólublátt.

Bolta Gaur

2007-04-18T20:27:00.000Z

Einfalt og þægilegt LO.

Gaman að vinna með það :)

LO = LayOut, uppröðunin á blaðinu.

TannÁlfur

2007-04-18T20:25:00.000Z

Finnst þessi líka voða sæt.

Var að dútla í fyrsta skipti og fannst það takst bara vel :)

Dútl = handskrifað,krassað... línurnar sem litlur (prima) blómin eru límd á eru dútl.

Splish, Splash

2007-04-18T20:20:00.000Z

Þessar síður eru líka í miklu uppáhaldi hjá mér, svo litríkar og skemmtilegar að mínu mati :)

Kalt

2007-04-18T20:19:00.000Z

Viktor Uni að gæða sér á snjónum

Ég sendi þessa síðu í keppni í US og vann fyrstu veðrlaun :) :D :)

Snjór

2007-04-18T20:18:00.001Z

Guðjón Valur að smakka snjóinn

Litla Skotta

2007-04-18T20:16:00.000Z

Aftur ég, síðan ég var lítil :)

Mömmukoss

2007-04-18T20:05:00.000Z

Langaði svo að gera stelpusíðu.

Þetta erum ég og mamma.

Textinn er vísun í lag sem mamma söng alltaf og svo kysstumst við í takt við lagið :D

Gaur

2007-04-16T00:09:00.000Z

Þetta er ein af mínum uppáhaldssíðum.

Aðalega vegna þess að mér fannst hún svo ógeðslega flott þegar ég var búin með hana að ég var að rifna úr stolti og mér finnst hún ennþá flott :)

Þetta eru hinir og þessir samtýningar af pp og allskonar skraut.

Ég vildi hafa svartan bakgrunnspp en átti hann ekki til þannig að ég dúmpaði bara blekpúðanum mínum á hvítan pp og voila :D

Meget sátt

Önnur kort

2007-04-15T23:24:00.000Z

Fyrst ég er komin út í kortin þá er kannski ágætt að skella nokkrum inn hérna þar sem ég man ekkert hvenær og í hvaða röð ég gerði þau.

Jólakort 2005

2007-04-15T23:23:00.000Z

Hvað er samt málið.... af fyrstu síðunum þá annaðhvort eru þær ókláraðar eða mig vantar mynd af því á netið!!
En ég verð að gera fæsluna svo ég geti bætt myndinni inn á eftir á :)

Dagatal ~

2007-04-15T22:25:00.000Z

Ég ákvað að vera alveg rosalega góð við Heiðu, ömmu hans Gappa
Ég náði reyndar ekki að klára það alveg en ég ætla bara að setja inn myndirnar af þeim sem ég kláraði... nenni ekki að skrifa lýsingu á þeim :)

Ég var samt búin með 1 eða 2 mánuði í viðbót, sé að ég hef ekki tekið mynd af því!!

Bræður

2007-04-15T22:14:00.000Z

Síðasta ókláraða síðan mín held ég :) hahaha

Þessar myndir eru teknar hjá brosbörnum í júní 2005
Það sem ég á eftir að gera á þessa síðu er að bæta á hana (þarna í auða plássið) einhvern sætan texta um bræður.
Hef bara einfaldlega ekki fundið neinn ennþá! Endilega látið þið mig vita ef þið kunnið einhvern :)

4 pp eru frá ?? (man ekki í augnablikinu)
Svartur borði frá Söstrene Grene
Stafalímmiðar
Svartur sýrufrír penni

Bræður

2007-04-15T21:10:00.000Z

Þessi opna er líka ókláruð... var aldrei sátt og ég átti svo lítið af skrappdóti á þessum tíma að ég ákvað bara að geyma hana....

Hún er ennþá í sama ástandi og hún er þarna en ég ætla að klára hana fljótlega.

Skrifa betur um hana þegar nýrri mynd kemur inn.

Drengur er fæddur

2007-04-15T21:00:00.001Z

Næsta opna er um fæðingu Guðjóns Vals

Ég var ekki sátt við hana í upphafi en bætti aðeins á hana. Eftir að ég bætti á hana varð ég pínu sáttari en ég gæti gert svo miklu betur ef ég myndi gera hana upp á nýtt en eins og ég saði áður að þá ætla ég ekki að endurgera síðurnar mínar.

Allir 5 pp er úr Studio K línunni frá K&Company

Blómin eru niðurklipptur borði úr rúmfatalagernum

Bláir borðar

Kósar

Brads

Stafastimplar

Stafalímmiðar

Dósaflipar

Sybbinn Prins

2007-04-12T17:08:00.000Z

Þessa opnu gerði ég á framhaldsnámskeiðinu sem ég fór á 18.okt 2005

Ég var gjörsamlega tóm í hausnum og átti alveg rosalega erfitt með að gera þessa opnu. Ég aftur á móti skoðaði allt hjá öllum hinum og renndi í gengum öll albúmin sem leiðbeinandinn var með til og skemmti mér konunglega :)

Þetta er 12x12 opna (sem er þá 30,5 cm x 30,5 cm hvor síðan)
Pakgrunnspp er úr Studio K línunni frá K&Company
pp & cardstock, man ekki hvaðan
Útklippt Bangsamynd
Charmed plaques - járnplattar m myndum frá Making Memories
Metal orð frá Makin memories
Kósar

http://www.kandcompany.com

http://www.makingmemories.com

pp = pappír

Hægt er að klikka á myndina til að sjá hana stærri

Útigarpur

2007-04-12T16:47:00.000Z

Ég hef aldrei verið neitt svakalega ánægð með þessa síðu en ég tók þá ákvörðun þegar ég byrjaði að ég myndi ekki endurgera síðurnar mínar.... kannski bæta einhverju á þær en ekki skemma þær til að gera nýjar.

Það er bara skemmtilegra að sjá hvernig hlutirnir hjá manni þróast.
Þessar myndir eru teknar af Viktori á litla leikskólanum fyrir utan blokkina í Asparfelli.
Í litla vasanum sem ég bjó til er svo pínu journal

Þetta er 12x12 opna (sem er þá 30,5 cm x 30,5 cm hvor síðan)

Hvítur bakgrunnspp, Rauður Bazzill Basic og 2 pp úr Studio K línunni frá K&Company
Stafalímmiðar
Kósar
Borðar

http://www.kandcompany.com
pp = pappír
Hægt er að klikka á myndina til að sjá hana stærri

Nýrna Skoðun

2007-04-12T15:15:00.000Z

Guðjón Valur er bara með eitt nýra. Það kom í ljós í sónar þegar ég gekk með hann. Þegar hann var svo 25 daga gamall (19.04.05) fór hann í allskonar rannsóknir út af því.

Að sjálfsögðu varð að skrappa það :D
Ég handsaumaði söguna/journalið í síðuna en fannst svo hvíti pp svo æpandi þannig að ég nuddaði grænu kalki yfir pp.

Þetta er 12x12 opna (sem er þá 30,5 cm x 30,5 cm hvor síðan)
3 pp Hv bakgrunns, og græni eru úr sama kitti og Fjölskyldan Saman
Grænn borði
Stafalímmiðar
Brads
Kósar/Eyelets
Bréfaklemmur
Handsaumað
Kalk

pp = pappír

Fjölskyldan saman

2007-04-12T14:40:00.000Z

Eftir tæplega eins árs hlé gerði ég þessa síðu.

Þetta er 12x12 síða (sem er þá 30,5 cm x 30,5 cm)
5 mismunandi pp ~ Hvíti fylgir oft í albúmum, ljósgræni er frá Bazzill Basics en man ekki með hina 3 (Ég keypti mér eitthvað pp kitt með 12 mismunandi pp örkum, þeir eru allir úr því kitti.)
Grænn borði
Flipar af coce dós
Stafalímmiðar

Svart Brads
Prentaði svo nöfnin bara úr prentaranum

pp = pappír

Bazzill Basics Paper Cardstock er einn af mínum uppáhalds pp
http://www.bazzillbasics.com

Hægt er að klikka á myndina til að sjá hana stærri

Gaman saman

2007-04-11T22:15:00.000Z

Þetta er mín allra fyrsta síða!!!

Í október 2004 var ég e-ð að skoða heimasíðuna hjá Föndru www.fondra.is og sá þá þetta skrapp (scrapbooking) í fyrsta skipti og fannstþetta mjög spennandi. Ég skellti mér á námskeið og sé ekki eftir því.
Albúmin mín voru einhverstaðar í kassa og við áttum einhvern hrikalega glataðann ljósmyndaprentara þannig að ég tók þessar myndir með mér af Kareni og Leó frá því að við Gappi tókum þau með okkur í sumarbústaðinn hennar ömmu.
Þær voru pínu blörrí en það varð að hafa það.Ég var alveg hrikalega montin með árangurinn og fannst ég alveg þvílíkt flink í þessu skrappi :D hahaha

Hún er nú samt hrikalega auðveld.

Þetta er 12x12 síða (sem er þá 30,5 cm x 30,5 cm)
Þetta eru tvennskonar pp sem ég nota. Bakgrunnspp er frá Karen Foster design og heitir Old scroll. veit ekki með hinn

Svartur sýrufrír penni
Punchuð lauf

pp = pappír
Punch = munsturgatari

http://www.karenfosterdesign.com

Hægt er að klikka á myndina til að sjá hana stærri

Blogga?

2007-04-09T23:41:00.000Z

Jæja ég er að spá í að leggja í eitt bloggið enn :D

Þetta verður þó frábrugðið hinum þar sem þetta kemur til með a snúast mest um skrapp.
Jú efslaust mun e-ð annað læðast með en þar sem skrappið er nr 2,3 og 4 (fjölskyldan númer 1) hjá mér þá verður það í miklum meirihluta og ætti ekki að vera erfitt að skrappa um það.

Það hafa nú ekki margir ættingjar og vinir séð skrappið mitt, aðeins þeir sem hafa verið að koma heim og glugga í albúmin mín þar.
Ég hef hvergi verið með þær sýnilegar á netinu nema fyrir skrappvinkonur mínar á netspjallinu sem ég er á.
Ég ætla því að reyna að koma þeim öllum, eða flestum, hingað inn og segja hvað ég hef verið að gera/nota á hverri síðu..